لما حد بيوصف حد تاني أنه شعبوي بافهم التالي: الشخص التاني دا بيستعلي على الناس و له مصالحه الخاصة، لكن في نفس الوقت بيستخدم خطاب جذاب للناس ال هيستغلهم علشان يوصل لمصلحته أو لمصلحة طبقته. فالناس بيشتروا منه الكلام مع إن فيه بدائل تانية تفيدهم أكتر. بالتالي الشعبوية بالنسبة لي خطاب سياسي. ماكين و أوباما شعبويين. الإخوان شعبويين. تشافيز شعبوي. يعني الشعبوي لازم يبقى نخبوي. الناس مش شعبويين لكن بيشتروا بضاعة الشعبويين.
العربية بقى وصفها إنها إثارية. يمكن إثارية دي محترمة عليها شوية. الدستور إثارية. العربية فضائحية.
يا يا نوارة، ده إنتي شايلة في قلبك وساكتة :)
هو التضنيفات مش بالضروري بتبقى أعلى وأدنى، ومش بالضرورة التصنيف بيقيم ويقول ده جيد و ده سيء، لكنه بيبقى تجريد لحالة، وتمييزها عن غيرها ومحاولة لفهمها، التصنيف جزء من التفكير. مصطلح "الشعبوية" في رأيي مفيد في تمييز "النخبة" اللي بتتشغل على الأفكار وبتحاول تبدع وتناقش وتثير القضايا، وبين "نخبة" تانية بتحاول تتظاهر أنها "من الشعب" بترديد هواجسه وإذكائها، وأحيانا ما تكون النخبة الأخيرة منفصلة عن هذه الهواجس ولكنها تعتبرها طريقا سهلا للرواج السياسي أو الثقافي أو الإعلامي.
فيه ناس شايفة أن هي دي السياسة والثقافة والإعلام، اللي عاوزه الناس تسمعه نقوله. بدل ما تلعب دور في إنها تكون تيارات تناقش الاتجاهات والرؤى وتطورها وتطرح أفكار ومقترحات جديدة علشان توسع خيارات الناس.
مفهوم الشعبوية في الإعلام مثلا مفيد في التمييز بين تناول إسلام أون لاين والعربية للقضايا الدينيةرغم إن الاثنين ممكن يدوا نفس الاهتمام لقضية واحدة. إسلام أون لاين عندها انحياز ورؤية- تتفق معها أو تختلف- ولها شعبية ، لكن العربية شعبوية..
طيب يا نوارة. الناس بياخدوا عشرة جنيه و كيس برسيل علشان ينتخبوا مرشح الحزب الوطني. إنت متضايقة ليه بقى؟ إنت مواليد السبعينيات، يعني المفروض ما تتكسفيش تقولي إيه الصح و إيه الغلط. ممكن تحكمي زي ما تحبي، بس ما تفرضيش حكمك على حد، و ما تستفاديش من حكمك على حساب حد تاني.
دا فهمي لكلمة الشعبوية، ال هي غير الناس ال بيسكنوهم في المساكن الشعبية و بيسموا أغانيهم شعبية.
مينا: صباح الخير عندك غياب الحصه الاولي
ولي امر يمضي علي كراسه الغياب:))
اقصد من مثال احمد عزة انه كملياردير
لما يتكلم من طبقه غير طبقه الفقراء عن احلام الفقراء يبقي نخبوي شعبوي
ولا نصاب حلنجوي
البديل لما يقول حاجة مش حقيقية علشان يبيع و يكسب يبقى شعبوي. البديل كان إثاري لما نشر صورة الناس ال بيناموا مع بعض في بيتهم (علشان يبيع. صفحة الحوادث كلها إثارية أصلا). و المصري اليوم كان إثاري لما قال ميليشيات الإخوان (علشان يبيع و علشان أصحاب الجورنال هيكسبوا لما الإخوان يخسروا. الناس هيخسروا كدا كدا). و العاشرة مساء كان إثاري لما على المحلة فوضى (علشان هم من طبقة المصريين ال مش عايشين في فوضى، على عكس الأغلبية).
سواء، شعبوي أو نخبوي. الاثنين مفاهيم لرؤية عمل "نخبة ما". النخبة - سواء وصفناها إنها شعبوية أو نخبوية- عادة بتعتقد إنها بتفكر أحسن، أو إن شغتلها تفكر، أو هي مهتمة بالتفكير أكثر من الناس. الانضمام لـ "النخبة" وصمة لا مهرب منها لكل من يقترب من السياسة والثقافة والإعلام.
أماني: ومش بالضرورة شعبوي يكون نصاب، فيه ناس رؤيتها للسياسة كده، إن السياسي لا يختلف عن الهتيف، إني أوصل لفوق أكتاف الجماهير وأقول اللي هم عاوزين يقولوه.
فيه ناس تانية رؤيتها للسياسة إني ممكن أكون بافكر في صالح أكبر قطاع من الجماهير دي لكن ممكن أدعوهم نمشي الناحية التانية أو نهتف بحاجة تانية.
في الإعلام بيبقى رغبة في البيع والناس بتشتري، أحيانا بيكون نصب لما يكون فيه كذب وتلفيق، وأحيانا بتكون "الشعبوية" رأي والقاريء بيشتري وهو حر
إنت مصرة ليه يا نوارة على أحسن أو أوحش
الإعلامي الشعبوي بينكر إنه من نخبة رغم إنه من فئة قليلة بتختار إيه الخبر اللي صفحة أولى وإيه اللي مش مهم النهاردة. لو قال أنا الشعب، وهو ده اللي عاوزه الشعب، فده في رأيي الإدعاء.
لكن في رأيي لو قال و اعترف أنه من "نخبة" وله رأي وتقييم، وكان نزيه في بيان ده, شواء كان شعبي أو غير شعبي فهو أفضل.
أعتقد أن السياسيين بطبعهم شعبويين حسب تعريفاتكم. فهمهم خطب ود الجماهير
عكس مثلا رجال الدين فهم في الأصل نخبويين ليس من المفروض أن تخصع فتاواهم لأهواء الناس
لكن ده مايمنعش مثلا إن الدعاة الجدد منهم من يميل إلى الشعبوية
أما الإعلام و الفن ففيهم السبكي و فيهم يوسف شاهين و فيهم الجزيرة و أو تي في يعني كوكتيل
مش كل السياسيين شعبويين يا طارق. محاولة إقناع الجماهير والحصول على ثقتها هدف كل سياسي، لكن كيف يفعل ذلك هو المحك. مثلا أنا لا أعتبر الإخوان شعبويون، خلافا لغربية، ولكن أعتبر حزب العمل كذلك، رغم أن الإخوان أكثر شعبية.
جيفارا
ما فيش حاجة تمت من وراك
:)
اللي مش قادر "يهضم" موضوع الاصطلاحات والمفاهيم ودورها في المعرفة والجهد النظري في السياسة والاجتماع، هو حر
لكن لازم يفرق بين استخدام الاصطلاحات والمفاهيم لفهم الواقع، وبين الاضطهاد والحرمان من الحقوق على أساسها، وجعلها نهائية وغير مرنة تدرك الفروق بين الحالات المختلفة التي يمكن أن تخضع لتصنيف واحد من زاوية وتفرقما زاوية أخرى.
يعني مثلا أنا لو اعتبرت نوارة "شعبية" مش هاستخدم سلطاتي ونفوذي في أذاها مثلا، أو لما أوصل للحكم أنا و"النخبويين" أصحابي مش هانعتقلها.
لكن ثاني ركن من أركان "الشعبوية" في رأيي هو ازدراء كل جهد نظري، وتقديس الإكليشيهات اللي بتكرر كثير كلمات: الناس والجماهير والشارع والعمال والثورة. مثال على الميل الشعبوي ده الحالة اللي سيطرت على كفاية وحركة التغيير قبل الانحسار، لما فجأة لقت نفسها كل يوم في الشارع بتتظاهر، ورغم إنها بتردد كل اللي بيقوله الناس والجماهير على القهاوي مالقتش منهم أي مردود لنفس السبب، فقر الخيال.
الإخوان تيار منظم جيدا وله شعبية، ولكنه ليس شعبويا في رأيي.
الإخوان لا يستجيبون للميل الشعبي مثلا وراء إدانة الخصخصة لتغيير برنامجهم وخطابهم المؤيد لاقتصاد السوق. في قضايا أخرى أيضا أظهروا تمسكا بمبدأهم ولم ينساقوا للميول الشعبية، وقت تظاهرات انتفاضة الأقصى، كان الاشتراكيين والناصريين في الجامعة شعبويين وسخنوا الناس وذهبوا معهم في طريق التخريب العبثي، بينما الإخوان رفضوا هذه الأحداث ببيانات يومية أذكر جيدا أنها أثرت على شعبيتهم ولكنهم لم يتراجعوا عن ذلك وأعلنوا موقفهم.
أيضا في قضية وليمة لأعشاب البحر، حافظ الإخوان على شعرة بين احتجاجهم وبين الهيستريا التي نشرها حزب العمل وصحيفته "الشعبية" آنذاك: الشعب.
يبقى احنا بنتكلم على حاجتين مختلفتين، و غالبا ما وصلكش ال قصدي عليه فوق. الشعبوي إنك تقول للناس الحل عندي. تعالوا معي و أنا هاعمل لكم كذا، و تهيج عواطفهم بشعارات خالية من المضمون أو مضمونها معاكس لحقيقة سياساتك، في حين إن سياساتك ضد مصلحة الناس ال هيدعموك.
أن تكون سياسة تيار ضد مصلحة من يدعمونه، هذه حجة كل تيار على من يخالفه في البرامج والخطط. ولكن بالضرورة الخصم ليس شعبويا.
متفقين في جانب الشعارات التهييجية العاطفية لكنها ليست بالضرورة مخالفة لسياسات التيار الشعبوي، أحيانا ما تكون سياسته هي اتباع عواطف الأغلبية في مسائل تخص الثقافة والدين، لذلك فالشعبويين أقرب لقمع الأقليات تذرعا بالأغلبية والجماهير.
أنا مختلف في إن الشعبوية بتنقاد للميل الشعبي وبتمزج بين تملقه وبين أهداف التيار الأخرى، مش بيقى خداع صرف. يعني سياسة الحزب الوطني في المحليات ومجلس الشعب هو "خدمة الناس" بمعنى استغلال السلطة في التوظيف والإعانة والمساعدة على الفساد الصغير: البناء المخالف والاستثناءات الإدارية. ده بدل التنمية واعتماد سياسات منضبطة لحل المشاكل دي. هنا المعيار مش "ضد أو مع مصلحة الناس" لان السياسات دي مع "مصلحة ما" للناس، لكنها صفقة بين الأهداف السياسية والميل الشعبي.
والله أعلم
معلش جاي متأخر... اعتقد مشكلة المصطلحات والتصنيفات لما تبقى بديل عن الشرح والتفصيل، يبقى رأيي في حاجة انها "شعبوية" أو "نخبوية" وخلاص ومشكلة المتلقي لو هو مش فاهم... وبالمناسبة عندنا "ويات" أكثر بكتير بس مفيش داعي اعقدكم
الجايكو محتوى مفتوح على فكرة طالما الناس مختارة الأوبشن بتاع إتاحته على محركات البحث في اختيارات الخصوصية وكذا حد من برة الجايكو لقوا كتير من كلامي صدفة وهم بيدوروا في مواضيع مختلفة... يعني الكلام على الجايكو مش خسارة أوي ... جايكو مش زي الفيسبوك يعني بس طبعا لا يقارن بالمدونات
38 comments so far
مش ذنب المصطلح إنه بيعبر عن ظاهرة كريهة
1 year ago by AmrEzzat
مافيش لغة ولا اجتماع بدون تصنيفات وعنونة. القدماء قالوا: لا مشاحة في الاصطلاح. الاصطلاح أداة، النقاش بقى يكون بتستعمل إزاي.
1 year ago by AmrEzzat
ممكن اللينك عشان مش لاقيه الموضوع
1 year ago by amanikhalil2000
مافيش لينك يا أماني، هي الصفحة الرئيسية كلها كل يوم :)
1 year ago by AmrEzzat
لما حد بيوصف حد تاني أنه شعبوي بافهم التالي: الشخص التاني دا بيستعلي على الناس و له مصالحه الخاصة، لكن في نفس الوقت بيستخدم خطاب جذاب للناس ال هيستغلهم علشان يوصل لمصلحته أو لمصلحة طبقته. فالناس بيشتروا منه الكلام مع إن فيه بدائل تانية تفيدهم أكتر. بالتالي الشعبوية بالنسبة لي خطاب سياسي. ماكين و أوباما شعبويين. الإخوان شعبويين. تشافيز شعبوي. يعني الشعبوي لازم يبقى نخبوي. الناس مش شعبويين لكن بيشتروا بضاعة الشعبويين.
العربية بقى وصفها إنها إثارية. يمكن إثارية دي محترمة عليها شوية. الدستور إثارية. العربية فضائحية.
1 year ago by gharbeia
طب عادل امام شعبوي.......... لما عمل افلام للفقراء؟؟ واحمد عز شعبوي لما يتكلم عن مساكن الفقراء؟؟!!
1 year ago by amanikhalil2000
يا يا نوارة، ده إنتي شايلة في قلبك وساكتة :) هو التضنيفات مش بالضروري بتبقى أعلى وأدنى، ومش بالضرورة التصنيف بيقيم ويقول ده جيد و ده سيء، لكنه بيبقى تجريد لحالة، وتمييزها عن غيرها ومحاولة لفهمها، التصنيف جزء من التفكير. مصطلح "الشعبوية" في رأيي مفيد في تمييز "النخبة" اللي بتتشغل على الأفكار وبتحاول تبدع وتناقش وتثير القضايا، وبين "نخبة" تانية بتحاول تتظاهر أنها "من الشعب" بترديد هواجسه وإذكائها، وأحيانا ما تكون النخبة الأخيرة منفصلة عن هذه الهواجس ولكنها تعتبرها طريقا سهلا للرواج السياسي أو الثقافي أو الإعلامي. فيه ناس شايفة أن هي دي السياسة والثقافة والإعلام، اللي عاوزه الناس تسمعه نقوله. بدل ما تلعب دور في إنها تكون تيارات تناقش الاتجاهات والرؤى وتطورها وتطرح أفكار ومقترحات جديدة علشان توسع خيارات الناس.
مفهوم الشعبوية في الإعلام مثلا مفيد في التمييز بين تناول إسلام أون لاين والعربية للقضايا الدينيةرغم إن الاثنين ممكن يدوا نفس الاهتمام لقضية واحدة. إسلام أون لاين عندها انحياز ورؤية- تتفق معها أو تختلف- ولها شعبية ، لكن العربية شعبوية..
1 year ago by AmrEzzat
أعتقد إن عادل إمام شعبوي - بحسب تعريف عمرو - ولكن أحمد عز تجاوز التعريفات التقليدية إلى مرحلة ما بعد البضانة
ودا طلعا اجتهاد شخصي يعني
1 year ago by MinaZekri
عمرو... يعني نقول "البديل" و"الدستور" مثلا؟
1 year ago by MinaZekri
أماني : المفهوم حسب ما أفهمه مش للدلالة على الموضوع: الكلام عن إيه، ولكنه عن طريقة الكلام.: إزاي
1 year ago by AmrEzzat
عمرو: يعني بيقولوا مثال توضيحي يقرب المعني لذهن الطالب طب في احساسك انت شعبوي=نصاب؟؟
1 year ago by amanikhalil2000
طيب يا نوارة. الناس بياخدوا عشرة جنيه و كيس برسيل علشان ينتخبوا مرشح الحزب الوطني. إنت متضايقة ليه بقى؟ إنت مواليد السبعينيات، يعني المفروض ما تتكسفيش تقولي إيه الصح و إيه الغلط. ممكن تحكمي زي ما تحبي، بس ما تفرضيش حكمك على حد، و ما تستفاديش من حكمك على حساب حد تاني.
دا فهمي لكلمة الشعبوية، ال هي غير الناس ال بيسكنوهم في المساكن الشعبية و بيسموا أغانيهم شعبية.
1 year ago by gharbeia
مينا: صباح الخير عندك غياب الحصه الاولي ولي امر يمضي علي كراسه الغياب:)) اقصد من مثال احمد عزة انه كملياردير لما يتكلم من طبقه غير طبقه الفقراء عن احلام الفقراء يبقي نخبوي شعبوي ولا نصاب حلنجوي
1 year ago by amanikhalil2000
بالضبط يا مينا
1 year ago by AmrEzzat
طب سؤال للي عاوز يجاوبه ام كلثوم شعبويه لانها كانت بتعمل حشد للجماهير..... وعبد الناصر برضه ولالا
1 year ago by amanikhalil2000
البديل لما يقول حاجة مش حقيقية علشان يبيع و يكسب يبقى شعبوي. البديل كان إثاري لما نشر صورة الناس ال بيناموا مع بعض في بيتهم (علشان يبيع. صفحة الحوادث كلها إثارية أصلا). و المصري اليوم كان إثاري لما قال ميليشيات الإخوان (علشان يبيع و علشان أصحاب الجورنال هيكسبوا لما الإخوان يخسروا. الناس هيخسروا كدا كدا). و العاشرة مساء كان إثاري لما على المحلة فوضى (علشان هم من طبقة المصريين ال مش عايشين في فوضى، على عكس الأغلبية).
أصحاب المدونات كمان ممكن يبقوا إثاريين.
1 year ago by gharbeia
سواء، شعبوي أو نخبوي. الاثنين مفاهيم لرؤية عمل "نخبة ما". النخبة - سواء وصفناها إنها شعبوية أو نخبوية- عادة بتعتقد إنها بتفكر أحسن، أو إن شغتلها تفكر، أو هي مهتمة بالتفكير أكثر من الناس. الانضمام لـ "النخبة" وصمة لا مهرب منها لكل من يقترب من السياسة والثقافة والإعلام.
1 year ago by AmrEzzat
هوبا بالراحه عليه تقافتي محدوده حبتين ادوني تعريف منطقي للشعبويه عشان اقدر افهم علي اي اساس تمت التصنيفات
1 year ago by jivara2002it
أماني: المفهوم بعيد في رأيي عن تفسير "الشعببة" في الفن. وعبد الناصر أحب أسميه "أبوي" مش شعبوي.
1 year ago by AmrEzzat
أماني: ومش بالضرورة شعبوي يكون نصاب، فيه ناس رؤيتها للسياسة كده، إن السياسي لا يختلف عن الهتيف، إني أوصل لفوق أكتاف الجماهير وأقول اللي هم عاوزين يقولوه. فيه ناس تانية رؤيتها للسياسة إني ممكن أكون بافكر في صالح أكبر قطاع من الجماهير دي لكن ممكن أدعوهم نمشي الناحية التانية أو نهتف بحاجة تانية. في الإعلام بيبقى رغبة في البيع والناس بتشتري، أحيانا بيكون نصب لما يكون فيه كذب وتلفيق، وأحيانا بتكون "الشعبوية" رأي والقاريء بيشتري وهو حر
1 year ago by AmrEzzat
أحد أركان "الشعبوية" هي إنكار وجود "النخبة" : شعار أنا منكم وإليكم إنت شكلك "شعبوية " يا نوارة :)
1 year ago by AmrEzzat
لأ يا نوارة. هي مش عكس النخبة. الشخص القائد ال بيستخدم خطاب شعبوي علشان يكسب هو و أصحابه من وراس الناس لازم يبقى شايف نفسه و من النخبة.
كل شعبوي نخبوي، و ليس كل نخبوي شعبوي. الشعبوي هو النخبوي ال بيهيج الجماهير علشان يبقى الزعيم الجامد. آديني قلت يهيج أهو :)
في حين إن مالك مثلا شاب شعبي بس مش شعبوي و لا نخبوي. علشان لا بيستغل الجماهير و لا بيتنطط على الناس.
تشافيز شعبوي و هو بيقول على نفسه إنه ناصري.
1 year ago by gharbeia
إنت مصرة ليه يا نوارة على أحسن أو أوحش الإعلامي الشعبوي بينكر إنه من نخبة رغم إنه من فئة قليلة بتختار إيه الخبر اللي صفحة أولى وإيه اللي مش مهم النهاردة. لو قال أنا الشعب، وهو ده اللي عاوزه الشعب، فده في رأيي الإدعاء. لكن في رأيي لو قال و اعترف أنه من "نخبة" وله رأي وتقييم، وكان نزيه في بيان ده, شواء كان شعبي أو غير شعبي فهو أفضل.
1 year ago by AmrEzzat
المفهوم فيه تفضيل بين نخبة ونخبة مش بين النخبة والناس
1 year ago by AmrEzzat
أعتقد أن السياسيين بطبعهم شعبويين حسب تعريفاتكم. فهمهم خطب ود الجماهير عكس مثلا رجال الدين فهم في الأصل نخبويين ليس من المفروض أن تخصع فتاواهم لأهواء الناس لكن ده مايمنعش مثلا إن الدعاة الجدد منهم من يميل إلى الشعبوية أما الإعلام و الفن ففيهم السبكي و فيهم يوسف شاهين و فيهم الجزيرة و أو تي في يعني كوكتيل
1 year ago by gr33ndata
فيه تصنيفات تمت يا نواره من حقي افهم علي اي اساس تمت التصنفيات انا عندي حموضه من التصنيفات شعبوي شرير نخبوي خير او العكس
1 year ago by jivara2002it
مش كل السياسيين شعبويين يا طارق. محاولة إقناع الجماهير والحصول على ثقتها هدف كل سياسي، لكن كيف يفعل ذلك هو المحك. مثلا أنا لا أعتبر الإخوان شعبويون، خلافا لغربية، ولكن أعتبر حزب العمل كذلك، رغم أن الإخوان أكثر شعبية.
جيفارا ما فيش حاجة تمت من وراك :) اللي مش قادر "يهضم" موضوع الاصطلاحات والمفاهيم ودورها في المعرفة والجهد النظري في السياسة والاجتماع، هو حر لكن لازم يفرق بين استخدام الاصطلاحات والمفاهيم لفهم الواقع، وبين الاضطهاد والحرمان من الحقوق على أساسها، وجعلها نهائية وغير مرنة تدرك الفروق بين الحالات المختلفة التي يمكن أن تخضع لتصنيف واحد من زاوية وتفرقما زاوية أخرى. يعني مثلا أنا لو اعتبرت نوارة "شعبية" مش هاستخدم سلطاتي ونفوذي في أذاها مثلا، أو لما أوصل للحكم أنا و"النخبويين" أصحابي مش هانعتقلها.
لكن ثاني ركن من أركان "الشعبوية" في رأيي هو ازدراء كل جهد نظري، وتقديس الإكليشيهات اللي بتكرر كثير كلمات: الناس والجماهير والشارع والعمال والثورة. مثال على الميل الشعبوي ده الحالة اللي سيطرت على كفاية وحركة التغيير قبل الانحسار، لما فجأة لقت نفسها كل يوم في الشارع بتتظاهر، ورغم إنها بتردد كل اللي بيقوله الناس والجماهير على القهاوي مالقتش منهم أي مردود لنفس السبب، فقر الخيال.
1 year ago by AmrEzzat
لو الإخوان مش شعبويين، يبقوا إيه؟ اشتراكيين ديمقراطيين؟
1 year ago by gharbeia
الإخوان تيار منظم جيدا وله شعبية، ولكنه ليس شعبويا في رأيي. الإخوان لا يستجيبون للميل الشعبي مثلا وراء إدانة الخصخصة لتغيير برنامجهم وخطابهم المؤيد لاقتصاد السوق. في قضايا أخرى أيضا أظهروا تمسكا بمبدأهم ولم ينساقوا للميول الشعبية، وقت تظاهرات انتفاضة الأقصى، كان الاشتراكيين والناصريين في الجامعة شعبويين وسخنوا الناس وذهبوا معهم في طريق التخريب العبثي، بينما الإخوان رفضوا هذه الأحداث ببيانات يومية أذكر جيدا أنها أثرت على شعبيتهم ولكنهم لم يتراجعوا عن ذلك وأعلنوا موقفهم. أيضا في قضية وليمة لأعشاب البحر، حافظ الإخوان على شعرة بين احتجاجهم وبين الهيستريا التي نشرها حزب العمل وصحيفته "الشعبية" آنذاك: الشعب.
1 year ago by AmrEzzat
يبقى احنا بنتكلم على حاجتين مختلفتين، و غالبا ما وصلكش ال قصدي عليه فوق. الشعبوي إنك تقول للناس الحل عندي. تعالوا معي و أنا هاعمل لكم كذا، و تهيج عواطفهم بشعارات خالية من المضمون أو مضمونها معاكس لحقيقة سياساتك، في حين إن سياساتك ضد مصلحة الناس ال هيدعموك.
1 year ago by gharbeia
أن تكون سياسة تيار ضد مصلحة من يدعمونه، هذه حجة كل تيار على من يخالفه في البرامج والخطط. ولكن بالضرورة الخصم ليس شعبويا. متفقين في جانب الشعارات التهييجية العاطفية لكنها ليست بالضرورة مخالفة لسياسات التيار الشعبوي، أحيانا ما تكون سياسته هي اتباع عواطف الأغلبية في مسائل تخص الثقافة والدين، لذلك فالشعبويين أقرب لقمع الأقليات تذرعا بالأغلبية والجماهير. أنا مختلف في إن الشعبوية بتنقاد للميل الشعبي وبتمزج بين تملقه وبين أهداف التيار الأخرى، مش بيقى خداع صرف. يعني سياسة الحزب الوطني في المحليات ومجلس الشعب هو "خدمة الناس" بمعنى استغلال السلطة في التوظيف والإعانة والمساعدة على الفساد الصغير: البناء المخالف والاستثناءات الإدارية. ده بدل التنمية واعتماد سياسات منضبطة لحل المشاكل دي. هنا المعيار مش "ضد أو مع مصلحة الناس" لان السياسات دي مع "مصلحة ما" للناس، لكنها صفقة بين الأهداف السياسية والميل الشعبي. والله أعلم
1 year ago by AmrEzzat
طيب ما تكتب تدوينة بقى تسرد فيها الخطابات الشعبية مثلا؟ المناقشة طولت جدا و أنا قلت ال عندي، و خسارة في جايكو كلام أكتر من كدا.
1 year ago by gharbeia
إل معندهمش جايكو هما الخسرانين أنا أستمتع بمثل هذه الحوارات مثلا أنا من ساعتين مكنتش أعرف أصلا يعني إيه شعبويين
1 year ago by gr33ndata
جايكو مفتوح لكل الناس، هو صحيح مش أنسب مكان علشان مش متاح التعليق إلا المشتركين، بس مافيش أحسن من القعدة الحلوة.
ودي فرصة سعيدة إن الكلام استفز نوارة زعيمة "جبهة التهييس الشعبوية" وتناقشنا. :)
1 year ago by AmrEzzat
معلش جاي متأخر... اعتقد مشكلة المصطلحات والتصنيفات لما تبقى بديل عن الشرح والتفصيل، يبقى رأيي في حاجة انها "شعبوية" أو "نخبوية" وخلاص ومشكلة المتلقي لو هو مش فاهم... وبالمناسبة عندنا "ويات" أكثر بكتير بس مفيش داعي اعقدكم
1 year ago by waelk
الجايكو محتوى مفتوح على فكرة طالما الناس مختارة الأوبشن بتاع إتاحته على محركات البحث في اختيارات الخصوصية وكذا حد من برة الجايكو لقوا كتير من كلامي صدفة وهم بيدوروا في مواضيع مختلفة... يعني الكلام على الجايكو مش خسارة أوي ... جايكو مش زي الفيسبوك يعني بس طبعا لا يقارن بالمدونات
1 year ago by MinaZekri
طب إحنا كدا خلصنا الدرس بتاع شعبويين عايزين كلمة جديدة بقى نتعارك عليها
1 year ago by gr33ndata
نحيط عناية السادة القراء أن الحوار على هذه الصفحة لم يعد مفهوما لأن نوارة التي كانت طرفا فيه ألغت حسابها وتعليقاتها
8 months, 2 weeks ago by AmrEzzat